Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 114 Hüküm no: 158 Orijinal metin no: [17b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Çelebi b. Hasan’ın Gorina bt. Tıranoz’a dolap kuyusu sattığı Vech-i tahrîr-i sicil budur ki Ahmed Çelebi b. Hasan meclis-i şer‘a hâzır olup eyitti ki karye-i Çengel’den Gorina bt. Tıranoz muvâcehesinde ikrâr ve i‘tirâf karye-i mezbûrda Derecikkozu kurbunda vâki‘ olan dolap kuyusunu tevâbi‘[i] ve levâhıkıyla beş yüz akçeye bey‘ ettim, dedikde mukırr-ı mezbûru mukarrun lehü’l-mezkûre cânibinden Nikola b. Duka ve Duka b. Tıranoz şehâdetleriyle vekâleti sâbit olan Karaca b. Yusuf vicâhen ve şifâhen tasdîk edip sıhhat-i akd-i bey‘ mukarrer [olup] bi’t-taleb kayd-ı defter olundu. Vaka‘a’t-tahrîr fî evâili Cemâziyelâhir sene 956. Şuhûdü’l-hâl: Hızır b. Ahmed, Mustafa b. Mehmed, Nikola b. Dimitri Marko, Mihal b. Dolabi? b. Kosta, Nikola b. Lagod, Gore b. Yani