Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 130 Hüküm no: 205 Orijinal metin no: [22b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bâli b. Mustafa’nın Şaban b. Musa’nın evini soyan kişiyi söylemediği Vech-i tahrîr-i sicil budur ki Karye-i Viran’dan Şaban b. Musa ve Bâli b. Mustafa meclis-i şer‘a hâzırân olduklarında mezbûr Şaban takrîr-i da‘vâ edip dedi ki benim evime adam gelip ba‘zı esbâblarım sirkat olunup bana hayf oldu deyip sen bana dedin ki ben senin esbâbın alan kimesneyi bilirim dedin deyicek mezbûr Bâli inkâr edip gıbbe’l-inkâr beyyine taleb olunup Mesud b. Bayezid ve Saruca b. Rüstem nâm kimesneler şehâdet edip dediler ki sen bizim huzûrumuzda ben senin esbâbın kim aldığın bilirim buluvereyin dedi dediklerinde ba‘de’t-tezkiyye hayyiz-i kabûl vâki‘ olup bi’t-taleb kayd-ı defter olundu. Vaka‘a’t-tahrîr fî evâili Recebi’l-mürecceb sene 956. Şuhûdü’l-hâl: Ferhad Bey b. Abdullah, Sefer Çelebi b. Mustafa, Ramazan b. Hüseyin, Şaban Bey b. Abdullah, Ali b. Süleyman