Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 132 Hüküm no: 213 Orijinal metin no: [23a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Boş vakıf yerinin Kasap Receb b. Çolak’a tapulandığı Vech-i tahrîr-i sicil budur ki Karye-i İstavros’dan hâliyâ mütevellî olan Mahmud b. Sinan meclis-i şer‘a hâzır olup eyitti ki hâliyâ mütevellîsi olduğum vakıf yerlerden bir kıt‘a hâlî yer ki hudûd bir cânibi Yeniçeri Mahmud yerine ve bir cânibi tarîk-ı âmma ve bir cânibi arz-ı hâlî yere ve bir cânibi bahra, harman yeri demekle meşhûr olan yeri tahmînen yirmi zirâ‘ arzan ve tûlen bahra muttasıldır, işbu sâhibü’s-sicil Receb b. Çolak el-Kasab’ın iki yüz elli akçesin alıp tapuya verdim, nice dilerse mutasarrıf olup kimesne mâni‘ olmaya dedikde mukırr-ı mezbûru mukarrun lehü’l-mezkûr Receb cemî‘ ikrârında vicâhen tasdîk edip sıhhat-i akd-i tapu mukarrer olup hükm olundu, bi’t-taleb sicil olundu. Vaka‘a’t-tahrîr fî evâsıtı Şa‘bâni’l-mu‘azzam sene 956. Şuhûdü’l-hâl: Fahru’l-emâsil ve’l-akrân Cafer Efendi, Ahmed b. Hasan, Süleyman b. Şaban, Saru Musa b. Hüseyin, Turgud Çelebi b. Hasan, Mustafa b. Mehmed, Abdi Fakīh b. Nebi el-İmâm ve gayruhüm mine’l-hâzırîn