Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 133 Hüküm no: 214 Orijinal metin no: [23b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Boş vakıf yerinin Kasap Receb b. Çolak’a tapulandığı Vech-i tahrîr-i sicil budur ki Karye-i İstavros’a hâliyâ mütevellî olan Mahmud b. Sinan meclis-i şer‘a hâzır olup eyitti ki mütevellî olduğum vakıf karyeden bir kıt‘a hâlî yeri kānûn üzere tapuya müstahak olup, hudûd bir cânibi müşteri yerine ve bir cânibi tarîk-ı âmma ve bir cânibi arz-ı hâlîye ve bir cânibi bahra muttasıldır, tahmînen bennâ zirâ‘ıyla otuz zirâ‘ arzan ve tûlen kezâlik olan yeri işbu sâhibü’s-sicil Kasab Receb b. Çolak’ın yüz elli akçesi de vakıf için alıp kabûl ve kabz ettim, nice dilerse mutasarrıf olup kimesne mâni‘ olmaya dedikde mezbûr Receb vicâhen tasdîk edip sıhhat-i tapu mukarrer olup bi’t-taleb kayd olundu. Vaka‘a’t-tahrîr fî evâsıtı Şa‘bâni’l-mu‘azzam sene 956. Şuhûdü’l-hâl: Fi’l-a‘lâ