Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 138 Hüküm no: 230 Orijinal metin no: [25a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fatıma bt. Davud’un ölen eşi Şaban b. Mehmed’in oğlu Mustafa’dan mehir ve nafaka talep ettiği Vech-i tahrîr-i sicil budur ki Fatıma bt. Davud meclis-i şer‘a hâzırâ olup eyitti ki merhûm Şaban b. Mehmed benim zevcim idi deyû sulbî oğlu Mustafa b. Şaban muvâcehesinde mehrim ve nafakam ve sümün hissem taleb ederim, dedikde mezbûr Mustafa benim babam seni boşayıp talâk vermişdir dedikde mezbûre Fatıma talâk verdiğine inkâr edip gıbbe’l-inkâr Hasan b. Süleyman ve Şahbâli b. Ahmed nâm kimesneler dediler ki mezbûr Şaban fevt olmazdan evvel üç buçuk aydır talâk veripdir deyû şehâdet-i şer‘iyye edâ ettiklerinde ba‘de’t-tezkiyye hayyiz-i kabûlde vâki‘ olup bi’t-taleb kayd olundu. Vaka‘a’t-tahrîr fî evâili Ramazâni’l-mübârek sene 956. Şuhûdü’l-hâl: Mevlânâ Hasan Çelebi b. Murad el-Hatîb, Şaban b. Abdullah, Mustafa b. Mehmed, Cafer b. Ramazan, Ahmed b. Yunus