Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 158 Hüküm no: 301 Orijinal metin no: [31a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Neccâr Yani b. Toma’nın Eynehan b. Osman’a sattığı bağı ondan kiraladığı Vech-i tahrîr-i sicil budur ki Karye-i Kadı’dan Neccâr Yani b. Toma meclis-i şer‘de ikrâr ve i‘tirâf edip eyitti ki karye-i mezbûra tâbi‘ bir kıt‘a bağ ki sâbıkda hudûd bir cânibi bi-mezrû‘âtihi Yani ve bir cânibi Bekir, Mihal ve bir cânibi Yorgi bağına ve bir cânibi Dimitri bağına muttasıldır, işbu sâhibü’s-sicil Eynehan b. Osman’a iki bin akçeye bey‘ edip teslîm etmiş idim, meblağ kabzetmiş idim, hâliyâ mezkûr bağı târîh-i sicilden bir seneye iki yüz elli akçeye icâreye aldım, dedikde mezbûr Eynehan vicâhen tasdîk edip sıhhat-i akd-i icâre mukarrer olup, bi’t-taleb kayd olundu. Vaka‘a’t-tahrîr fî evâhiri Şevvâli’l-mükerrem sene 956. Şuhûdü’l-hâl: Hacı Musa b. Hüseyin, Mehmed b. Ali, Ali b. Mehmed, Mustafa b. Mehmed, Ramazan b. Hüseyin, Ali b. Hacı, Papa Kosta b. Petrik, Yorgi b. Macar, Duka b. Yorgi ve gayruhüm