Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 161 Hüküm no: 311 Orijinal metin no: [32a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Yani’nin kefil olduğu borcu ödediği Vech-i tahrîr-i sicil budur ki Karye-i Çengel’den Yorgi b. Yani meclis-i şer‘a hâzır olup eyitti ki Dimitri b. Buber nâm eniştemin Eynehan b. Osman’a olan beş yüz akçe deynine kefîl olmuş idim, ba‘de zamânın bir mikdâr verip iki yüz otuz iki akçeyi benden taleb edip aldı, hâliyâ rehni dahi vardır, rehni taleb ederim dedikde bi’l-muvâcehe meblağ-ı merkūmu kabûl ettim dedikde ba‘dehû mezbûr Yorgi’nin kırk akçe harcı? gidip cem‘an iki yüz yetmiş akçem gidip dedikde Muhzır Ali yedinden rehni olan küpeyi aldım kabûl ve kabz ettim deyû ikrâr bi’t-taleb kayd olundu. Vaka‘a’t-tahrîr fî evâili Zilka‘de sene 956. Şuhûdü’l-hâl: Mustafa b. Mehmed, Abdurrahman b. Hacı Şaban, Kara Yusuf b. Abdullah, Hasan b. Abdullah en-ne‘âl, Bendelyos b. Yani ve gayruhüm