Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 175 Hüküm no: 357 Orijinal metin no: [36b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İçki vergisi için köy halkının dışarı hamr vermemeyi kabul ettikleri Vech-i tahrîr-i sicil budur ki Çengel nâm vakıf karyeden Bendelyos ve Angora b. Buber ve Manol b. Lagod nâm zimmîler ve Kosta Ramenoz vakfın hamr öşrü için iki ay mikdârı monapolye tutup bunun içinde ehl-i karye kendi hamrların akçeye ve peymânecilere hamr satmayalar ve bi’l-cümle monapolye üzere kimesne hilâf vaz‘ eylemeyeler, bu tarîk ile müddet-i mezbûrede monapolye üzerine hamr bey‘ etmemesine ehl-i karye bi-esrihim kabûl eyleyip bi’t-taleb sicil olundu. Tahrîren fî evâhiri evvel-i Rebî‘ayn sene 957. Şuhûdü’l-hâl: Mustafa b. Paşa Çelebi ve Mustafa b. Mehmed ve Ali b. el-Hâc ve gayruhüm