Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 175 Hüküm no: 356 Orijinal metin no: [36a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta b. Marko’nun Hüsam Bey Vakfı’na borcu olduğu Vech-i tahrîr-i sicil budur ki Kosta b. Marko meclis-i şer‘a ihzâr olundukda ve mezbûr Kosta ikrâr eyleyip dedi ki işbu sâhibü’s-sicil merhûm Hüsam Bey vakfı mütevellîsi Eynehan b. Osman’a vakıf meblağından on bin akçe karz-ı hasen vechinden deynim vardır fe-emmâ hâliyâ monapolyede edâ edelim dedikde mezbûr mütevellî Eynehan dahi vicâhen tasdîk ettikden sonra karye-i mezbûreden Manol b. Nikola mezbûr Kosta emriyle kefîl bi’l-mâl olup ve Eynehan mütevellî kabz ve ahz-ı meblağa işbu Hayran Abdi b. Hasan[’ı] vekîl eyleyip mezbûr Hayran Abdi dahi vekâlet[i] meclis-i şer‘de kabûl eyleyip vâki‘ hâl bi’t-taleb sicil olundu. Tahrîren fî evâili Safer sene 957. Şuhûdü’l-hâl: Hacı Ahmed Çelebi b. Hasan ve Hızır b. Ahmed ve Şeyh Eynehan Ahmed b. Hasan ve Kemal Reis b. Yakub ve Derviş Bâli b. Nuh Bâli, Mustafa b. Mehmed ve gayruhüm