Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 186 Hüküm no: 391 Orijinal metin no: [40a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Margarika bt. Yuvan’ın bostan yerini Hacip Davud Bey b. Abdullah’a sattığı Vech-i tahrîr-i sicil budur ki Karye-i Çengel’den Margarika bt. Yuvan meclis-i şer‘a hâzırâ olup eyitti ki karye-i mezbûr yerlerinden bir kıt‘a bostan yeri ki hudûd bir cânibi Kosta bostanına ve bir taraf tarîk-ı âm ve bir taraf Mihal bostanına ve bir taraf Mihal yüce bu hudûd zikr olunan yerin içinde bir seren? kuyusuyla ve bir kıt‘a bağ ki hudûd bir taraf Yani bağına ve bir taraf Papas tarlasına ve bir taraf Mihal bağına ve bir taraf Manol bağına muttasıl olan bağ ile bostanı işbu Hacip Davud Bey b. Abdullah’a bin akçeye bey‘ ettim deyû ikrâr mezbûr Davud Bey vicâhen tasdîk edip sıhhat-i akd-i bey‘ mukarrer olup bi’t-taleb kayd-ı sicil olundu. Vaka‘a’t-tahrîr fî evâhiri Cemâziyelevvel sene 957. Şuhûdü’l-hâl: Mustafa b. Mehmed, Eynehan b. Halil, Karaca b. Yusuf, Kosta b. Yani, Yani b. Dimak ve gayruhüm