Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 186 Hüküm no: 390 Orijinal metin no: [40a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Margarika bt. Yuvan’ın bostan Kosta b. Yani’ye sattığı Vech-i tahrîr-i sicil budur ki Karye-i Çengel’den Margarika bt. Yuvan meclis-i şer‘de ikrârı sahîh ve şer‘- i kılıp eyitti ki Karye-i Çengel’e tâbi‘ bir kıt‘a bostan yerini bir dolabı ve bir dolap kuyusuyla ve eşcâr-ı müsmire ve gayr-i müsmiresiyle hudûd bir taraf bâyi‘ yerine ve bir taraf tarîk-ı âm ve bir taraf Kosta Kalafat bostanına ve bir taraf Yani Mercile bostanına bu hudûd zikr olunan bostanı işbu sâhibü’s-sicil Kosta [b.] Yani’ye iki bin altı yüz akçeye bey‘- i örfiyye ile bey‘ ettim, kabz-ı semen ve teslîm-i mebî‘ ettim dedikde mezbûr Kosta vicâhen tasdîk ettikden sonra sıhhat-i akd-i bey‘ mukarrer olup hükm olundu ki bi’t-taleb kayd-ı defter olundu. Vaka‘a’t-tahrîr fî evâhiri Cemâziyelevvel sene 957. Şuhûdü’l-hâl: Mustafa b. Mehmed, Davud Bey b. Abdullah er-râcil, Cafer b. Hüseyin el-Bursalı, Karaca b. Yusuf, Bendelyos b. Yani, Kosta b. Semendire, Papa Yani b. Nikola, Mihal b. İstirati, Hıristodora b. Kazgancı ve gayruhüm.