Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 195 Hüküm no: 418 Orijinal metin no: [42b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Samandıra halkının davarlarının Latif Fakīh’in tarlasına girip zarar verirse tazmin edecekleri Vech-i tahrîr-i sicil budur ki Karye-i Samandıra’dan Latif Fakīh b. Ali Fakīh meclis-i şer‘a hâzırân olup eyitti ki ahâli-i karye muvâcehelerinde Mevlânâ Mehmed Halîfe ve Mü’ezzin Ali Fakīh ve sâir ahâli-i karye muvâcehelerinde benim davarlarım zabt edip gece yabana komayıp benim ziyânım olmaya dedikde ahâli-i karye dahi kabûl edip şimdiden geri ekerse ziyân ederse biz zâmin olalım deyip kayd-ı defter olundu. Vaka‘a’t-tahrîr fî evâhiri Cemâziyelâhir sene 957. Şuhûdü’l-hâl: Nebi Halîfe b. Mehmed el-Mu‘allim, Ahmed b. Halil, Murad b. Mehmed, Şaban b. Hüseyin ve gayruhüm