Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 195 Hüküm no: 419 Orijinal metin no: [42b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mihal b. Kokos’un ölen Yorgi b. İstefan’da alacağı olduğu Vech-i tahrîr-i sicil budur ki Karye-i Kadı’dan Mihal b. Kokos meclis-i şer‘a hâzır olup eyitti ki işbu müşârün-ileyh Yani b. Yorgi müteveffâ Yorgi b. İstefan’ın yetîmlerine kıbel-i şer‘den vasî olup üzerine takrîr-i kelâm kılıp dedi ki müteveffâ mezbûr Yorgi’nin üzerine bin sekiz yüz akçe hakkım fevt olup üzerine kaldı, dedikde mezbûr Yani inkâr ile cevâb vericek Sava Kosta b. Yorgi ve Sinadonos b. Manol nâm zimmîler biz şâhidleriz ve şehâdet ederiz, müteveffâ Yorgi’nin üzerinde bin sekiz yüz akçesi işbu Mihal b. Kokos[’un] kaldı dediklerinde ba‘de’t-tezkiyye hayyiz-i kabûlde vâki‘ olup bi’t-taleb kayd-ı defter olundu. Vaka‘a’t-tahrîr fî evâhiri Cemâziyelâhir sene 957. Şuhûdü’l-hâl: Mustafa b. Mehmed, Ramazan b. Hüseyin, Ahmed b. Nebi, Cafer b. Hızır, Dimitri b. Kapsalı, Yani b. Todora, Yorgi b. Tıranoz ve gayruhüm