Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 479 Hüküm no: 541 Orijinal metin no: [77b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Mehmed b. Ali’nin Çerkes asıllı cariyesi Demirhan bt. Abdullah’ı azat ettiği Mahmiye-i İstanbul’da Âbidçelebi Mahallesi sükkânından el-Hâc Mehmed b. Ali nâm kimesne meclis-i şer‘-i şerîf-i enverde takrîr-i kelâm ve bast-ı merâm edip bana rıkk-ı sâbıkını mu‘terife olup uzun boylu açık kaşlı kara gözlü Çerkesiyyetü’l-asl Müslimetü’l-mille râfi‘atü hâze’l-kitâb Demi[r]han bt. Abdullah nâm câriyemi hasbeten lillâhi te‘âlâ ve taleben li-merzâti rabbihi’l-a‘lâ mâlımdan tahrîr ve i‘tâk ve zümre-i harâir-i asliyyâta idhâl ve idrâc edip baʻde’l-yevm mevsûfe-i mezbûre Demirhan sâir harâir-i asliyyât gibi hürre olup üzerinde hakk-ı velâdan gayrı kat‘â alâka ve medhalim kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 2 min-Şa‘bâni’l-mu‘azzam sene 1121 Şuhûdü’l-hâl: Es-sâbikūn, es-sâbikūn, es-sabıkūn.