Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 196 Hüküm no: 423 Orijinal metin no: [43a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri b. Manol’ün Hoca Fazlullah Vakfı’ndan bir bostan yerini Ahmed Bey b. Abdullah’a sattığı Vech-i tahrîr-i hurûf oldur ki Karye-i Çengel’den Dimitri b. Manol eş-Şehîr bi-Altıparmak karye-i İstavros’dan Ahmed Bey b. Abdullah merhûm Hoca Fazlullah zâviyesi yerlerinden bir kıt‘a bostan yerini iki dolabı ve iki kuyusuyla ve içinde olan yemiş ağaçlarıyla cümle tevâbi‘ ve levâhıkı ile işbu sâhibü’s-sicil Ahmed Bey b. Abdullah[’a] dokuz bin akçeye bey‘ edip teslîm-i semen ve kabz-ı mebî‘ ettikden sonra ahâli-i karyeden mülkü olan nesnesin bahâya komak lâzım olmağın Karaca b. Yusuf ve Gore b. Yani ve Matyos b. Kula ve Petroz b. Nikola ve gayruhüm mine’l-hâzırîn mülkü dört bin akçe karâr edip ziyâde deyû haber verdiklerinde ba‘de’t-tezkiyye hayyiz-i kabûlde vâki‘ olup bi’t-taleb kayd-ı sicil olundu. Vaka‘a’t-tahrîr fî evâili Recebi’l-mürecceb sene 957. Şuhûdü’l-hâl: Ali b. Abdullah, Ramazan b. Hüseyin, Mustafa b. Mehmed, Hüseyin b. Ali ve gayruhüm