Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 196 Hüküm no: 424 Orijinal metin no: [43a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola b. Yani Lavot’un, oğlu Manol b. Nikola’dan aldığı borcu ödeyinceye kadar bostanını Manol’ün tasarrufuna verdiği Vech-i tahrîr-i sicil budur ki Karye-i Çengel’den Nikola b. Yani Lavod meclis-i şer‘a hâzır olup dedi ki işbu müşârün-ileyh oğlum Manol b. Nikola’dan karz iki bin akçe aldım, kabûl ve kabz ettim ve ben dahi karye-i mezbûrda bir kıt‘a bostan yeri ki hudûd bir cânibi Dimitri bostanına ve bir cânibi Mihal bostanına ve bir cânibi Yani bostanına ve bir cânibi Kosta bağına muttasıldır, işbu hudûd içinde vâki‘ olan bostanı müşârün-ileyh Manol[’a] verdim, tasarruf edip kimesne mâni‘ olmaya, ben meblağ-ı merkūmu edâ edince dedikde mezbûr Manol vicâhen tasdîk ettikde bi’t-taleb kayd-ı sicil olundu. Vaka‘a’t-tahrîr fî evâili Recebi’l-mürecceb sene 957. Şuhûdü’l-hâl: Ahmed Bey b. Abdullah, Ali Bey b. Abdullah, Karaca b. Yusuf, Mustafa b. Mehmed, Ramazan b. Hüseyin, Gore b. Yani, Nikola b. Dimitri ve gayruhüm