Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 197 Hüküm no: 426 Orijinal metin no: [43a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gore b. Yani’nin deniz kenarındaki yer ile evinin yarısını ve diğer yerlerini oğlu Kosta’ya sattığı Vech-i tahrîr-i sicil budur ki Karye-i Çengel’den Gore b. Yani meclis-i şer‘a hâzır olup dedi ki karye-i mezbûrede bir kıt‘a deryâ kenarında mahzen yerini ki hudûd bir taraf Manol ve bir taraf Kosta gemici ve bir taraf Manos Sabancı ve bir taraf deryâya muttasıl ve nısf evin ki hudûd bir taraf Ahmed Çelebi evine ve bir taraf Yani evine ve bir cânibi tarîk-ı âmma muttasıldır ve üç yeri bağ ki birinin hudûd bir taraf Manol bağına ve bir taraf Yeniçeri Davud ve bir taraf Nikola bağına ve bir taraf bağı dereye? muttasıldır ve bir âhir kıt‘anın hudûd bir taraf Yorgi bağına ve bir taraf Mihal bağına ve bir taraf Papas tarlasına muttasıldır ve bir âhar kıt‘anın hudûd bir taraf Dimitri bağına ve bir taraf Toma bağına ve bir taraf Yani Gore bağına ve bir taraf hâliyâ ve bir kıt‘a hâlî yeri ki hudûd Toma Odul bostanına ve bir taraf Papa Yani yerine ve bir taraf Hüseyin Usta bahçesine ve bir taraf deryâya muttasıldır, tevâbi‘ ve levâhıkı ile işbu oğlum Kosta’ya sekiz bin akçeye bey‘-i kat‘ıyle bey‘ edip kabz-ı semen ve teslîm-i mebî‘ ettim dedikde mukırr-ı mezbûru mukarrun-lehü’l-mezkûr Kosta vicâhen ve şifâhen tasdîk ettikden sonra sıhhat-i akd-i bey‘ mukarrer oldu ki bi’t-taleb kayd-ı sicil olundu. Vaka‘a’t-tahrîr fî evâili Recebi’l-mürecceb sene 957. Şuhûdü’l-hâl: Ahmed Bey b. Abdullah, Ali Bey b. Abdullah, Karaca b. Yusuf, Mustafa b. Mehmed, Ramazan b. Hüseyin, Hüseyin b. Hasan, Kara Yusuf b. Abdullah, Mustafa b. Ahmed, Nikola b. Dimitri, Manos b. Kosta, Yorgi b. Marko, Petroz b. Nikola ve gayruhüm