Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 206 Hüküm no: 454 Orijinal metin no: [45b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaloda bt. Manol’ün bağ yerini bahçesiyle Dimitri b. Manol’e sattığı Vech-i tahrîr-i sicil budur ki Karye-i Pendik’den Kaloda bt. Manol meclis-i şer‘a hâzırâ olup dedi ki karye-i Pendik yerlerinden bir kıt‘a bağ yerini ki şimâlen Kosta Karakul tarlasına ve şarkan Çengeloğlu tarlasına ve kıbleten Kosta Virayan oğlu tarlasına ve garben Kurt Manol bostanına muttasıldır, işbu hudûd ile mahdûd olan yeri içinde olan yemiş ağaçlarıyla işbu sâhibü’s-sicil Dimitri b. Manol[’a] iki yüz elli akçeye bey‘ edip kabz-ı semen ve teslîm-i mebî‘ ettim, dedikde mukırr-ı mezbûru mukarrün lehü’l-mezkûr Dimitri vicâhen tasdîk ettikden sonra sıhhat-i akde hükm olundu ki bi’t-taleb kayd-ı sicil olundu. Vaka‘a’t-tahrîr fî evâhiri Recebi’l-mürecceb sene 957. Şuhûdü’l-hâl: Mevlânâ Yahya Çelebi b. Fazlullah, Ramazan b. Hüseyin, Ramazan b. İsâ, Mehmed b. Nasûh ve gayruhüm