.:: İstanbul Kadı Sicilleri ::.


Üsküdar Mahkemesi 17 Numaralı Sicil (H.956-963/ M.1549-1556)
cilt: 6, sayfa: 206
Hüküm no: 455
Orijinal metin no: [45b-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Rüstem’in Kürtler tarafından öldürüldüğü

Vech-i tahrîr-i hurûf oldur ki Ayni bt. Süleyman nâm hâtun tarafından Ali b. Yusuf ve Derviş Veli şehâdetleriyle vekâlet sâbit olan Mehmed b. İlyas meclis-i şer‘a hâzır olup müvekkilem Ayni’nin sâbıkan zevci olan Rüstem b. Yunus nâm sipâhi[yi] sene sitte ve hamsîn ve tis‘a mie Cumâdelâhiresinde kürtler katl ettiler, ol zamândan berî duldur, nafakaya aczi vardır, zevci âhara varmak ister, dedikde mezbûr Rüstem’in (…?) olduğuna Hüseyin Bey b. Sinan Bey ve Mehmed Bey b. Nasûh ağzından Hacı Bey b. Karagöz ve Hasan b. Musa nâm kimesneler biz şâhidleriz ve şehâdet ederiz mezbûr Rüstem[’i] sene-i mezbûr Cemâziyelâhiresinde kürtler katl ettiler deyû edâ-yı şehâdet-i şer‘iyye ettiklerinde ba‘de’t-tezkiyye hayyiz-i kabûlde vâki‘ olup bi’t-taleb kayd-ı sicil olundu. Vaka‘a’t-tahrîr fî evâili Şa‘bân sene 957.


Şuhûdü’l-hâl: Hüseyin b. Mürüvvet, İlyas b. Ahmed, Ali b. Yusuf, Hüseyin b. Hasan, Derviş b. Veli el-haddâd