Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 207 Hüküm no: 456 Orijinal metin no: [45b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Eynehan b. Osman’ın Gore b. Yani’de alacağının kaldığı Vech-i tahrîr-i sicil budur ki Eynehan b. Osman meclis-i şer‘a hâzır olup karye-i Çengel’den Gore b. Yani[’yi] ihzâr edip üzerine takrîr-i da‘vâ kılıp dedi ki sende bin yüz akçe Hüsam Bey Vakfı’na karye-i mezbûrdan Dimitri b. Buber kefîl bi’l-mâl oldukda hâliyâ taleb ederim, deyicek mezbûr Dimitri’den su’âl olundukda ben kefîl bi’l-mâl oldum deyû ikrâr edip mezbûr Eynehan meblağ-ı merkûmdan yedi yüz kırk akçe kaldı, dedikde mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâili Şa‘bâni’l-mu‘azzam sene 957. Meblağ-ı merkūm Muhzır Ramazan’a havâle olundu. Şuhûdü’l-hâl: Abdi b. Hasan, Saru Musa, Süleyman b. Hamza, Süleyman b. Davud el-kâtib ve gayruhüm