Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 216 Hüküm no: 487 Orijinal metin no: [48b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Rüstem b. Yunus’un evinin annesi Hasnâ bt. Abdullah’a verilmesi Vech-i tahrîr-i hurûf oldur ki Rüstem b. Yunus nâm sipâhi sefer-i hümâyûnda fevt olup evlâdından sagīr üzere Hüseyin ve Emine evlâd-ı Rüstem kıbelinden anası Rukıye bt. ( ) kıbel-i şer‘den vasiyye nasb olunup mezbûr Rüstem’in anası olan Hasnâ bt. Abdullah ile meclis-i şer‘a hâzırân olduklarında mezbûre Rukıye takrîr-i kelâm kılıp eyitti ki, karye-i İstavros’da vâki‘ olan evin nısfı vasiyyeleri olduğum yetîmlerin babaları Rüstem’in mülküdür, deyicek mezbûre Hasnâ’dan su’âl olundukda mülk benimdir, oğlum Rüstem bana hâl-i hayâtında ikrâr edip mülk anamındır, deyû ikrâr edip durur deyicek mezbûre Rukıye inkâr edip mezbûre Hasnâ’dan beyyine taleb olunup İmâm Abdi b. Nebi ve Ali b. Nebi nâm kimesneler bize ikrâr edip mülk anamındır, dedi deyû ikrâr etti deyû şehâdet edip ba‘de’t-tezkiyye [hayyiz-i] kabûlde vâki‘ olup bu zikr olunan mezbûre Hasnâ’ya hükm olundu. Hükmen sahîhan şer‘iyyen vaka‘a’t-tahrîr fî evâili Ramazâni’l-mübârek sene 957. Şuhûdü’l-hâl: Hacı Bey b. Abdullah, Mustafa b. Mehmed, Hasan Bey b. Abdullah er-râcil, Ali Çelebi b. Murad, Mütevellî Süleyman b. Hüseyin, Turgud b. Hızır, Hüseyin b. Abdullah er-râcil