Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 216 Hüküm no: 488 Orijinal metin no: [48b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdullah Ağa Vakfı’na ait mukataa gelirlerinin papa Paterfat b. Kuka’ya kiralandığı Vech-i tahrîr-i hurûf oldur ki Merhûm Abdullah Ağa evkāfına nasb-ı pâdişâhî [ile ]câbi ve nâzır olan Hacı ve Turgud meclis-i şer‘a hâzırân olduklarında takrîr-i da‘vâ kılıp eyitti[ler] ki işbu müşârün-ileyh Peterfat b. Kuka nâm papaz[a] sene seb‘a ve hamsîn ve tis‘a mie Ramazânı gurresinden ilâ tamâm-ı senetin kâmile varınca hâsıl olan öşr-i şırayı ve cürm-i cinâyet ve resm-i iskelesin on bin üç yüz akçeye mukāta‘aya verdim dedikde mezbûr Paterfat dahi vech-i meşrûh üzere kabûl ettim deyip ve zarar-ı malına karye-i mezbûrda[n] Papaz Mihal b. Yani kefîl olup bi’t-taleb sicil olundu. Vaka‘a’t-tahrîr fî evâsıtı Ramazâni’l-mübârek sene 957. Şuhûdü’l-hâl: Ahmed Bey b. Abdullah, İmâm Abdi b. Nebi, Ali Bey b. Abdullah, Kara Yusuf b. Abdullah, Mustafa b. Mehmed ve gayruhüm