Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 227 Hüküm no: 518 Orijinal metin no: [51b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani b. Tıranoz’un Pîrî Çelebi b. Mehmed ile koyunlarını gütmek şartıyla mahsulüne ortak olduğu Vech-i tahrîr-i hurûf oldur ki Karye-i Sarulu’dan Pîrî Çelebi b. Mehmed ve Yani b. Tıranoz meclis-i şer‘a hâzırân olduklarında mezbûr Yani takrîr-i da‘vâ kılıp elli aded koyun otuz ikişer akçeye bey‘ ettim, akçesin taleb ederim, dedikde mezbûr Pîrî’den su’âl olunup ben elli koyun sana bey‘ ettim, ba‘dehû akçesin bulamadın, bey‘den ferâgat edip ben dahi sana ol koyun üzerine üç yüz koyun edip sen ra‘y etmek üzerine ortak olduk, ben senden koyun bey‘ edip almadım deyû inkâr edip mezbûr Yani’den beyyine taleb olunup âciz olundukda mezbûr Pîrî’ye yemîn teklîf olunup yemîn edip mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâili Zilka‘de sene 957. Şuhûdü’l-hâl: Kemâ sebak