Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 230 Hüküm no: 528 Orijinal metin no: [52a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Sinan b. Abdullah’ın ölen Dimitri b. Toros’ta alacağı olduğu Vech-i tahrîr-i hurûf oldur ki Mahrûse-i İstanbul’dan Hacı Sinan b. Abdullah meclis-i şer‘a gelip karye-i Kadı’dan Kosta b. Yorgi el-vasî an-kıbel-i şer‘den bi-eytâmi müteveffâ Dimitri Toros’ı ihzâr edip dedi ki müteveffâ zimmetinde üç yüz otuz beş akçe hakkım vardır dedikde mezbûr Kosta inkâr edip udûl-i müslimînden Mehmed b. Ali ve dedi ki Karaçula Memi nâm kimesneler dediler ki biz şâhidleriz ve şehâdet ederiz ki mürd-i müteveffâ üzerinde mezbûr Hacı Sinan’ın üç yüz otuz beş akçe hakkı kaldı deyicek ba‘de’t-tezkiyye şâhidân-ı mezbûrânın şehâdetleri hayyiz-i kabûlde vâki‘ olup bi’t-taleb kayd-ı sicil olundu. Vaka‘a’t-tahrîr fî evâili Zilka‘de sene 957. Şuhûdü’l-hâl: Usta Yunus b. Abdullah, Cafer b. Hızır, İskender b. Abdullah, Ramazan b. Hüseyin, Ali b. Hacı