Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 231 Hüküm no: 531 Orijinal metin no: [52b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ortak satın alınan bağ için Kateroz’un bu eksik meblağı ödemesi Vech-i tahrîr-i hurûf oldur ki Karye-i Kadı’dan Mehmed b. Ali ve Kerupe b. Mihayil ve Kateroz b. Mihal meclis-i şer‘a hâzırûn olup dediler ki müşâ‘ ve müşterek bir bağın üzümün[ü] beş yüz altmış akçeye satın alıp mezbûr Körüpe takrîr-i da‘vâ kılıp eyitti ki ben yüz elli sepet üzüm bey‘ edip dört yüz akçe getirdim ve mezbûr Kateroz iki yüz sepet üzüm bey‘ üç akçe getirdin deyicek mezbûr Kateroz ben iki yüz sepet üzüm bey‘ edip yüz yirmi üç sepet üzüm bey‘ ettim, hemen üç yüz akçe etti deyicek mezbûr Kateroz’a yemîn teklîf edip üç yüz yetmiş akçe getirdim deyû cevâb vericek mezbûrân Mehmed ve Körüpe inkâr edip üç yüz akçeden ziyâdeye getirmedin deyû yemîn edip yetmiş akçe dahi hükm olundu, bi’t-taleb kayd-ı sicil olundu. Vaka‘a’t-tahrîr fî evâsıtı Zilka‘de sene 957. Şuhûdü’l-hâl: Mustafa b. Mehmed, Mehmed b. Ali, Ramazan b. Hasan, Ahmed b. Nebi, Sinadonos b. Manol