Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 243 Hüküm no: 572 Orijinal metin no: [56a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Manol’ün tarlasını ekmediği Vech-i tahrîr-i hurûf oldur ki Karye-i Çengel’e hâliyâ câbi olan Mahmud b. Turgud meclis-i şer‘a karye-i mezbûrdan Yorgi b. Manol[’u] ihzâr edip dedi ki bir kıt‘a hâlî yeri olup on yıldan ziyâde ve mu‘attaldır dedikde mezbûr Yorgi’den su’âl olundukda inkâr edip mezbûr câbiden beyyine taleb olunup Nikola b. Manol Aval ve Kosta b. Marko ve Kosta b. Yani nâm kimesnelerin şehâdet edip zikr olunan yer ki hudûd bir taraf tarîk-ı âmma ve bir taraf dere ve bir taraf mezbûr Yorgi bağına ve bir taraf kûhî tarlaya muttasıldır mezkûr tarlayı mezbûr Yorgi zirâ‘at ve hırâset etmeyip on yıldan ziyâdedir hâlîdir deyû şehâdet edip fi’l-vâki‘hâlîdir dediklerinde ba‘de’t-tezkiyye hayyiz-i kabûlde vâki‘ olup bi’t-taleb kayd-ı sicil olundu. Vaka‘a’t-tahrîr fî evâhiri Zilhicce sene 957. Şuhûdü’l-hâl: Fi’l-a‘lâ