Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 252 Hüküm no: 602 Orijinal metin no: [59a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sığırtmaç Yorgi b. Dimitri’nin Yani b. Petro’ya tazminat ödemesi Vech-i tahrîr-i hurûf oldur ki Karye-i Maltepe’den Yani b. Petro meclis-i şer‘a karye-i mezbûrda Sığırtmaç Yorgi b. Dimitri[’yi] ihzâr edip üzerine takrîr-i da‘vâ kılıp dedi ki sığırtmaç iken dağda bir karasığır ineği darb-ı şedîd edip fevt olup üzerine? red ettim, ahâli-i karye üzerine ilettim, yüz elli akçe bahâ edip hâliyâ taleb ederim, dedikde mezbûr Yorgi’den su’âl olundukda gerçekdir, darb-ı şedîd ettim, benim darbımdan öldü, ama yüz akçeye sulh ettik deyicek sulhı isbât edemeyip yüz elli akçe mezbûr Yani’ye mezbûr Yorgi’den hükm olunup mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâili Muharremi’l-harâm sene 958. Şuhûdü’l-hâl: Ali b. Hacı Fakīh, Mustafa b. Mehmed, Papa Yorgi b. Plakide ve gayruhüm