Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 254 Hüküm no: 607 Orijinal metin no: [60a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Bey b. Abdullah’tan boşalan yerin Mustafa b. Ahmed’e tapulandığı Vech-i tahrîr-i hurûf oldur ki Fahru’l-emâcid ve’l-ekârim İskender b. Abdülhay ser bostanciyân el-emîri cenâblarından sâbitü’l-vekâle vekîl olan Hasan Usta b. Abdullah şer‘- i şerîf meclisine hâzırân olup bi’l-vekâle ikrâr ve i‘tirâf edip işbu müşârün-ileyh Mustafa b. Ahmed muvâcehesinde merhûm Mehmed Bey b. Abdullah fevt olup evlâd-ı zükûru kalmayıp mutasarrıf olduğu yer ki kānûn üzere tapuya müstahak olmağın zikr olunan yerler ki hudûd bir taraf harmandan yukarı ve bir taraf dereye ve bir taraf damlar kurbunda olan dereye ve bir taraf kâfiri tarîka varınca işbu hâmilü’l-hurûf Mustafa b. Ahmed’e bin akçe resm-i tapusun alıp verdim, dedikde mukırr-ı mezbûr mukarrun-lehü’l-mezkûr Hasan Usta mezbûr Mustafa cânibinden Mehmed b. Abdullah cânibinden şifâhen tasdîk edip bi’t-taleb kayd-ı sicil olundu. Vaka‘a’t-tahrîr fî evâsıtı Muharremi’l-harâm sene 958. Şuhûdü’l-hâl: İskender Bey b. Abdullah es-silâhi, Ramazan b. Hüseyin, Ali b. Hacı Fakīh, Hızır b. Ahmed, Mustafa b. Mehmed, Hacı Ali b. Eymir, Veli b. Eymir, Ali b. Mehmed, Hızır b. Ayas ve Şahkulu b. Hacı İvaz ve gayruhüm