Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 254 Hüküm no: 608 Orijinal metin no: [60a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kadıköy âmili Kosta b. Yani’nin yeri Yorgi b. Dimitri’ye yer tapuladığı Ekarre vech-i tahrîr-i hurûf oldur ki Karye-i Kadı’ya hâliyâ âmil olan Kosta b. Yani meclis-i şer‘a hâzır olup dedi ki karye-i Kadı yerlerinde bir kıt‘a hâlî yeri tapuya müstahak olmağın hudûd üç taraf tarîk-ı âm ve bir tarafı Abdi bostanına mahdûddur, işbu hudûd ile mahdûd olan yer kānûn üzere tapuya müstahak olup işbu sâhibü’s-sicil Yorgi b. Dimitri’ye yüz akçeye tapuya verdim, meblağ-ı merkūmu bî-kusûr vakıf için kabûl ve kabz ettim dedikde mezbûr Yorgi vicâhen tasdîk edip sıhhat-i tapu mukarrer olup bi’t-taleb kayd-ı sicil olundu. Vaka‘a’t-tahrîr fî evâhiri Muharremi’l-harâm sene 958. Şuhûdü’l-hâl: Mustafa b. Mehmed, Kara Yusuf b. Abdullah, Hasan b. Abdullah, Ali b. Hacı Fakīh, Yorgi b. Papas ve gayruhüm