Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 264 Hüküm no: 641 Orijinal metin no: [63a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Merdivenköy âmili Ali b. Şaban’ın İbrahim b. Hızır’a yer tapuladığı Vech-i tahrîr-i hurûf oldur ki Karye-i Nerdübanlı[’ya] hâliyâ âmil olan Ali b. Şaban meclis-i şer‘de ikrâr ve i‘tirâf edip eyitti ki karye-i mezbûr yerlerinden bir kıt‘a hâlî yeri tapuya müstahak olmağın işbu sâhibü’s-sicil İbrahim b. Hızır’a vakıf için on beş akçesin aldım ki hudûd bir taraf çiftlik ve bir taraf tarîk-ı âmma bir taraf Durmuş yerine bir taraf kûhi yere muttasıldır, dedikde mezbûr İbrahim ve Ali dahi mukırr-ı mezbûru vicâhen tasdîk ettikde mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâili Muharremi’l-harâm sene 958. Şuhûdü’l-hâl: Mehmed Bey b. Abdullah, Çelebi Musa b. Hüseyin, Hasan b. Durmuş, Ahmed Çelebi b. Mustafa, Ahmed b. Hacı Mustafa, Kara Mehmed b. Ali