.:: İstanbul Kadı Sicilleri ::.


Üsküdar Mahkemesi 17 Numaralı Sicil (H.956-963/ M.1549-1556)
cilt: 6, sayfa: 269
Hüküm no: 657
Orijinal metin no: [65a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Arenhod Nikola’nın Nikola b. Poli’ye hakarette bulunduğu

Vech-i tahrîr-i hurûf oldur ki Karye-i Çengel’den Nikola b. Poli bana meclis-i şer‘a gelip işbu Arenhod Nikola b. ( ) bana bre gidi dedi, dedikde mezbûr Arenhod’dan su’âl olundukda inkâr edip mezbûr Nikola’dan beyyine taleb olunup Mustafa b. Mehmed ve Manol b. Papa Yani biz şâhidleriz ve şehâdet ederiz “bre gidi” dedi, deyû şehâdet edip ba‘de’t-tezkiyye hayyiz-i kabûlde vâki‘ olup bi’t-taleb kayd-ı sicil olundu. Vaka‘a’t-tahrîr fî evâili Rebi‘ilevvel sene 958.


Şuhûdü’l-hâl: Mustafa b. Mehmed, Mustafa b. Abdullah Râcil, Kara Yusuf b. Abdullah ve gayruhüm