|
Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 292 Hüküm no: 728 Orijinal metin no: [72b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İstasnos bt. Nikola’nın evini Yorgi b. Trankovi’ye sattığı
Vech-i tahrîr-i sicil budur ki Maltepe nâm karyeden İstasnos bt. Nikola şer‘ meclisine hâzırâ olup dedi ki, mülk evim ki mahdûddur bir cânibi Viretoz mülküne ve bir cânibi Papa Aleksi bahçesine ve bir cânibi Panayod yerine ve bir cânibi tarîk-ı hâssa bi-cümleti’l-hudûd ve kâffeti’l-hukûk ve tarâyık ile işbu sâhibü’s-sicil Yorgi b. Tırankovi[’ye] üç bin akçeye bey‘- i kat‘ıyle [bey‘ edip] semen-i merkūmu bî-kusûr velâ küsûr aldım, kabûl ve kabz ettim deyicek mukırra-i mezbûre[yi] ikrârı meşrûhunda vicâhen ve şifâhen tasdîk edip sıhhat-i zâlike’l-bey‘ mukarrer olup mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâsıtı Zilka‘de sene 962.
Şuhûdü’l-hâl: Papa Yorgi b. Plakide, Kateroz b. Yani, Dimitri b. Kosta, Dimitri b. Tıranoz, Kosta b. Simoz ve gayruhüm
|