Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 292 Hüküm no: 729 Orijinal metin no: [72b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta b. Manol’ün evinin yarısını İstasnos bt. Nikola’ya sattığı Vech-i tahrîr-i sicil budur ki Maltepe nâm karyede Kosta b. Manol meclis-i şer‘de bi’t-tav‘ ve’r-rızâ ikrâr ve i‘tirâf edip dedi ki karye-i mezbûrda vâki‘ olan evim ki hudûd bir cânibi Dimitri mülküne ve bir cânibi Dimitri b. Tıranoz mülküne ve bir cânibi Yorgi Yoshan? mülküne ve bir cânibi tarîk-ı âm ile mahdûd olan evin nısfı[nı] işbu sâhibü’s-sicil zevcem İstasnos bt. Nikola’ya üç bin akçeye bey‘ ettim semen-i merkūmu bî-kusûr kabûl ve kabz ettim teslîm-i mebî‘ kıldım, dedikde mukırr-ı mezbûru mukarrun lehü’l-mezkûr vicâhen ve şifâhen tasdîk edip sıhhat-i zâlike’l-bey‘ mukarrer olup hükm olundu, bi’t-taleb kayd-ı sicil olundu. Vaka‘a’t-tahrîr fî evâsıtı Zilka‘de sene 962. Şuhûdü’l-hâl: Fi’l-a‘lâ