Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 303 Hüküm no: 764 Orijinal metin no: [76b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kakali Yani b. Franko’nun bina yapmak istediği eski çeşme yerinin iki tarafının yol olduğu Vech-i tahrîr-i hurûf oldur ki Karye-i İstavros’dan Kosta b. Mihal meclis-i şer‘a Kakali Yani b. Franko’yu ihzâr edip dedi ki eski çeşme yerinin iki taraf tarîk-ı âm idi, sen gelip binâ edersen benim hem yel değirmenimin zarar-ı vardır, dedikde mezbûr Yani’den su’âl olundukda ben mütevellî-i sâbıkdan satın aldım mülkümdür, dedikde mezbûr Kosta’dan tarîk-ı âm idiğine beyyine taleb olunup udûl-i müslimînden Köse Ali b. Veli ve Yakub b. Beşer ve Mehmed b. Hamza ve Hızır b. Abdullah nâm kimesneler dediler ki eski çeşme yerinin iki tarafı tarîk-ı âm idi deyû şehâdet ettiklerinde ba‘de’t-tezkiyye hayyiz-i kabûlde vâki‘ olup zikr olunan tarîk-ı âmdır deyû hükm olundu hükmen sahîhan şer‘iyyen vaka‘a’t-tahrîr fî evâhiri Rebî‘ayn sene 963. Şuhûdü’l-hâl: Mustafa b. Mehmed, Ramazan b. Hüseyin, Hasan b. Abdullah, Kara Yusuf b. Abdullah ve gayruhüm