Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 95 Hüküm no: 57 Orijinal metin no: [5a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Manol’un, Toygar Mescidi’nin vakfından ödünç aldığı Vech-i tahrîr-i hurûf oldur ki Karye-i Çengel’den Yani v. Manol nâm zimmî meclis-i şer‘de Toygar Mescidi mütevellîsi olan Memi b. Murad mahzarında bi-tav‘ihî ikrâr edip dedi ki, sene seb‘îne ve tis‘a-mi’e Zilka‘desi’nin ibtidâsından bir yıla mü’eccel zimmetimde vakf-ı mezbûra iki bin iki yüz akçe deynim vardır iki bin karzdan ve iki yüzü çuka bahâsından dedikde, mukırr-ı mezbûrun i‘tirâfını mezbûr Memi tasdîk edip zarar-ı mâla karye-i mezbûreden İstamad v. İstati nâm zimmî kefîl olup mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâsıtı Zilhicce sene 970. Şuhûdü’l-hâl: Alagöz Bey b. Abdullah ve Yusuf b. Hamza ve Ali b. Abdullah ve Ali b. Behram ve Arslan b. Abdullah ve Mustafa b. Mehmed ve Nasuh el-muhzır ve gayruhum