.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 95
Hüküm no: 58
Orijinal metin no: [5a-6]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Musli b. Hüseyin’in, Mihal v. Yani’ye ödünç verdiği

Vech-i tahrîr-i hurûf oldur ki İstanbul’dan Musli b. Hüseyin meclis-i şer‘de karye-i Akkilise’den Mihal v. Yani nâm zimmî mahzarında da‘vâ kılıp dedi ki, mezbûr zimmîde yetmiş beş akçe ile bir çuvalım var dedikde, mezbûr zimmîye suâl olundukda bi-tav‘ihî ikrâr edip dedi ki, karzdan elli akçe deynim var ve bir çuval var on akçe bahâlı dediği i‘tirâfı gıbbe’t-taleb kayd-ı sicil olundu. Tahrîren fi’t-târîhi’l-mezbûr.


Şuhûdü’l-hâl: Mustafa b. Mehmed ve Ali el-muhzır ve Nasuh el-muhzır ve gayruhum