Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 97 Hüküm no: 62 Orijinal metin no: [5b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Pervane b. Abdullah’ın, Mustafa b. Mehmed’i dövdüğü Vech-i tahrîr-i hurûf oldur ki Mustafa b. Mehmed meclis-i şer‘de Toygar mahallesinden Pervâne b. Abdullah mahzarında da‘vâ kılıp dedi ki, mezbûr Pervâne beni eliyle darb eyledi hakkım taleb ederim dedikde, mezbûr Pervâne’ye suâl olundukda bi-tav‘ihî ikrâr ve i‘tirâf edip dedi ki, mezbûr Mehmed bana cimâ‘ lafzıyla şetm eyledi ben dahi ona bir tabanca vurdum dediği i‘tirâfı gıbbe’t-taleb kayd-ı sicil olundu. Tahrîren fî evâsıtı Zilhicce sene 970. Şuhûdü’l-hâl: Mehmed Bey b. Abdullah ve İbrahim b. Emir ve Yusuf b. Nebi ve Nasuh b. Nebi ve gayruhum