Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 97 Hüküm no: 63 Orijinal metin no: [5b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Mehmed’in, Pervane b. Abdullah’a küfrettiği Vech-i tahrîr-i hurûf oldur ki Toygar mahallesinden Pervâne b. Abdullah meclis-i şer‘de Mustafa b. Mehmed mahzarında da‘vâ edip dedi ki, mezbûr Mustafa bana cimâ‘ lafzıyla avretini s.tiğimin gidisi dedi dedikde, mezbûr Mustafa’ya suâl olundukda inkâr edip mezbûr Pervâne’den da‘vâsına mutâbık beyyine taleb olundukda udûl-i müslimînden acemi oğlanı Sinan b. Abdullah ve Hasan Bey b. Abdullah edâ-i şehâdet edip dediler ki mezbûr Mustafa mezbûr Pervâne’ye cimâ‘ lafzıyla avretin s.tiğimin gidisi dedi biz şâhidiz şehâdet ederiz dedikleri ba‘de’t-tezkiyeti’ş-şer‘iyye hayyiz-i kabûlde vâkı‘ olup gıbbe’t-taleb kayd-ı sicil olundu. Tahrîren fi’t-târîhi’l-mezbûr. İnde’ş-şuhûdi’l-mezkûrîn