Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 108 Hüküm no: 95 Orijinal metin no: [8a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud Çelebi b. Ali Bey ve kardeşi Ahmed Çelebi’ye babalarından kalan orman için Şaban b. Musa ve Mustafa b. Süleyman’ın davacı olmadığı Vech-i tahrîr-i hurûf oldur ki Karye-i Viran’dan Şaban b. Musa ve Mustafa b. Süleyman meclis-i şer‘de Mahmud Çelebi b. Ali Bey ve karındaşı Ahmed Çelebi nâm sağîrlerin vâsileri olan Halil Bey b. Abdullah mahzarında bi-tav‘ihî ikrâr-ı sahîh-i şer‘î edip dediler ki sağîrân-ı mezbûrânın babalarından intikāl eden karye-i Başıbüyüklü sınırında bir mikdâr orman ki bir cânibi Kayış Pınarı deresi ve bir cânibi Tekirlük ve bir cânibi Akçeyar ve bir cânib Viranköy yoluna ve bir cânibi Hamza ağılına muttasıldır ellerinde olan tezkere mûcibince bu hudûd içinde olan bu yerde bizim nizâ‘ımız yokdur bizim da‘vâ ettiğimiz yer bu hudûd içinde değildir dedikleri i‘tirâfları gıbbe’t-taleb kayd-ı sicil olundu. Tahrîren fî 24 Zilhicce sene 970. Şuhûdü’l-hâl: Sinan Kethudâ b. Abdullah ve Ahmed Bey b. Yusuf ve Alagöz Bey b. Abdullah ve Mustafa b. Mehmed ve Nasuh b. Hamza ve gayruhum mine’l-hâzırîn