Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 109 Hüküm no: 96 Orijinal metin no: [8a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin b. Abdullah’ın, Hacı Ali b. Emir’e borçlu olduğu Vech-i tahrîr-i hurûf oldur ki Karye-i Kadı’dan Hüseyin b. Abdullah meclis-i şer‘-i şerîfde Hacı Ali b. Emir muvâcehesinde bi-tav‘ihî ikrâr-ı sahîh-i şer‘î ve i‘tirâf-ı sarîh-i mer‘î edip dedi ki, mezbûr Hacı Ali’nin zimmetinde iki bin lâzımü’l-edâ deynim vardır bin sekiz yüzü karz-ı hasenden ve iki yüzü çuka bahâsından meblag-ı mezbûr karye-i mezbûrede fevkānî ve tahtânî mülkümü ...? ...? ki hudûdu inde’l-ahâlî ma‘lûmedir rehin verdim teslîm-i şer‘le teslîm ettim dedikde, mukırr-ı mezkûr i‘tirâfın mezbûr Hacı Ali dahi vicâhen tasdîk edip mâ hüve’l-vâkı‘ gıbbe’t-taleb kayd-ı sicil olundu. Tahrîren fî 24 Zilhicce sene 970. Şuhûdü’l-hâl: Alagöz Bey b. Abdullah ve Hâfız Ali b. Abdullah ve Mustafa b. Hızır ve Mehmed b. Hasan ve Mustafa b. Mehmed ve Fazlullah b. İsa ve gayruhum