Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 110 Hüküm no: 98 Orijinal metin no: [8b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şîrmerd Hoca Vakfı’nın, Carullah b. Hamza’ya ödünç verdiği Vech-i tahrîr-i hurûf oldur ki Karye-i Nerdübanlı’dan Cârullah b. Hamza meclis-i şer‘de Şîrmerd Hoca Evkāfı’na bi’l-fi‘l mütevellî olan Hacı Hamza b. Mustafa mahzarında bi-tav‘ihî ikrâr-ı sahîh-i şer‘î edip dedi ki, evkāf-ı mezbûre akçesinden zimmetimde beş yüz elli akçe deynim var beş yüzü karzdan ellisi çuka bahâsından karzdan gayrısı zimmetimde mü’ecceldir sene ihdâ ve seb‘îne ve tis‘a-mi’e Muharremi’nin ibtidâsından sene-i mezbûre Zilhiccesi’nin âhirinedir dedikde, şu mezkûrûn i‘tirâfın mûmâileyh Hacı Hamza dahi tasdîk edip mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâhiri Zilhicce sene 970. Şuhûdü’l-hâl: Ali b. Şaban ve Mustafa b. Mehmed ve Memi b. Mustafa ve Nasuh b. Hamza ve gayruhum