Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 109 Hüküm no: 97 Orijinal metin no: [8a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hoca Fazlullah Zaviyesi Vakfı’nın, Çengelköy halkı için iskele yeri belirlemesi Sebeb-i tahrîr-i kitâb-ı kalem ve mûcib-i tastîr-i hitâb-ı rakam oldur ki Hoca Fazlullah Zâviyesi Evkāfı’ndan Çengel nâm vakıf karyenin ahâlîsi meclis-i şer‘a gelip bize dâimâ iskele olmak için deryâ kenarında bir yer lâzımdır ma‘îşetimiz koyup çıkarmaya iskele lâzımdır ta‘yîn olunsun deyu mütevellîlerinden taleb eylediklerinde Papas evinden Kaçaroz evine varınca ve Yani Karatil evinden yine Papas evine varınca ve Papas evinden İstoraki nâm zimmî evine varınca iskele ta‘yîn olundu ki ba‘de zamân âmiller ve mütevellîler tapuya verip mezkûrları rencîde eylemeyeler mütevellî Mustafa Çelebi ma‘rifetiyle ve karye-i mezbûre ahâlîsi talebleriyle işbu vesîka-i temessük ketb olunup hâmil yedine vaz‘ olundu ki vakt-i zarûretde müzekkir-i mâ cerâ ola. Tahrîren fî’l-yevmi’l-evveli min şehri Receb sene seb‘îne ve tis‘a-mi’e. Şuhûdü’l-hâl: Hacı Ahmed b. Hasan ve Mustafa b. Mehmed ve Hasan Üstâd b. Abdullah ve Beşir Halîfe b. Hüsam ve Abdi Çelebi b. Lütfi, Müstecib Receb Reîs b. Mustafa ve Hüseyin b. Abdullah ve gayruhum mine’l-hâzırîn