.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 122
Hüküm no: 131
Orijinal metin no: [11a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Cebeci Mustafa b. Abdullah ile Mustafa b. Abdullah’ın, Cafer b. Mustafa’yı dövmesi

Vech-i tahrîr-i hurûf oldur ki Karye-i Nerdübanlı’dan Cafer b. Mustafa nâm kimesne meclis-i şer‘a gelip takrîr-i da‘vâ kılıp eyitdi ki, Cebeci Mustafa b. Abdullah nâm kimesne ve hizmetinde olan diğer Mustafa b. Abdullah nâm kimesneler gece ile Hızır Paşa nâm kimesnenin evine bir maslahata giderken ikisi gelip benim yolum basıp beni taş ile vurup bana be yüzün yatmış oğlan dedi deyicek bi’l-mukābele mezbûr Cebeci Mustafa b. Abdullah ve diğer Mustafa b. Abdullah nâm kimesneler ikrâr edip dediler ki mezbûr Cafer’in yoluna vardıkda döğmedik kande gidersin dedikde, yoluma giderim deyicek be yüzün yatmış oğlan dedim deyu ikrâr eylediği ecilden mezbûr Yeniçeri Cafer talebiyle sebt-i sicil olundu. Tahrîren fî evâili Muharrem sene 971.


Şuhûdü’l-hâl: Ahmed Çelebi b. Mustafa, Hacı Hüseyin b. Abdullah, Uzun Musa b. Hüseyin, Mehmed b. Ali