Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 150 Hüküm no: 208 Orijinal metin no: [16b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Sinan’ın babasının, Şaban b. Ramazan’a olan borcunu ödemesi Vech-i tahrîr-i hurûf oldur ki Mahalle-i Evliyâ’dan Ali b. Sinan meclis-i şer‘de Şaban b. Ramazan mahzarında da‘vâ kılıp dedi ki, mezbûr Şaban’ın babasında yüz doksan akçem olup vefât edip zimmetinde kalıp ba‘dehû mezbûr Şaban babasının deynini bana vermeğe iltizâm ve kabûl eyledi mezbûrdan taleb ederim dedikde, mezbûr Şaban’a suâl olundukda inkâr edip mezbûr Ali’den da‘vâya mutâbık beyyine taleb olundukda udûl-i müslimînden Hacı Mehmed b. Elhâc Ahmed ve Bâli b. Maksud nâm kimesne mezbûrun da‘vâsına lafzen ve ma‘nen mutâbık edâ-i şehâdet edip mezbûrânın şehâdetleri ba‘de’t-tezkiyeti’ş-şer‘iyye hayyiz-i kabûlde vâkı‘ olup mûcebine hükm olunup gıbbe’t-taleb kayd-ı sicil olundu. Tahrîren fî evâhiri Muharremi’l-harâm sene 971. Şuhûdü’l-hâl: Mustafa b. Mehmed ve Hüseyin el-muhzır ve Nasuh el-muhzır, Behlül b. Süleyman ve Sefer b. Süleyman ve gayruhum