Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 149 Hüküm no: 207 Orijinal metin no: [16b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mevlana Abdülhamid b. Mesud’un, Süleyman b. Musa’dan kölesinden aldığı paraları geri alması Vech-i tahrîr-i hurûf oldur ki Rumeli kazasker kassâmı olan Mevlânâ Abdülhamid b. Mesud nâm kimesnenin vekîl-i şer‘îsi olan Ali Yeniçeri b. Ahmed meclis-i şer‘de Nerdübanlı’dan Süleyman b. Musa mahzarında da‘vâ edip dedi ki, müvekkilim müşârunileyh Abdülhamid’in abdini tutup yüz elli beş akçesin almış bi’l-vekâle taleb ederim dedikde, mezbûr Süleyman’a suâl olundukda aldım ve lâkin geri kuluna edâ ettim dedikde, kulu olan Behram almadım deyu inkâr edip beyyine taleb olundukda hâzır olan hasmının yemîni taleb edip mezbûr Behram’a yemîn billâh verilip ba‘dehû mezbûr Süleyman meblag-ı mezbûrun def‘i iltizâm olundu. Tahrîren fî evâhiri Muharrem sene 971. Şuhûdü’l-hâl: Abdi Çelebi b. Lütfi ve Memi Halîfe b. Murad ve Mehmed b. Mustafa eş-Şâhid bi’l-vekâle ve Mustafa b. Şaban eş-Şâhid bi’l-vekâle