|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 168 Hüküm no: 260 Orijinal metin no: [19a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yani’nin kardeşi Toma v. Yorgi’ye tarla verdiği iddiasını reddettiği
Vech-i tahrîr-i hurûf oldur ki Toma v. Yorgi öksüz karındaşı Yani muvâcehesinde da‘vâ edip dedi ki, mezbûr Yani bana iki yıl ekmeğe tarlasını bana verdi dedikde, mezbûr Yani’ye suâl olundukda inkâr edip tarlayı bir yıla verdim deyip mezbûr Toma’dan da‘vâsına mutâbık beyyine taleb olundukda âciz olup hasmının yemîn taleb eyledikde mezbûr Yani’ye iki yıla vermediğine yemîn billâh verilip bi’t-taleb kayd-ı sicil olundu. Tahrîren fî evâsıtı Safer.
Şuhûdü’l-hâl: Hacı Hasan b. Servet ve Hayran b. Hasan ve Mustafa b. Mehmed
|