Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 168 Hüküm no: 261 Orijinal metin no: [19a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Toma v. Yorgi Öksüz ile kardeşi Yani’nin alacak verecek anlaşmazlığı Vech-i tahrîr-i hurûf oldur ki Karye-i Kadı’dan Toma v. Yorgi Öksüz meclis-i şer‘de karındaşı Yani muvâcehesinde da‘vâ edip dedi ki, sene seb‘îne ve tis‘a-mi’e yılında karye-i mezbûre kurbunda vâkı‘ olan bostanımın hâsılını mezbûr Yani, Hacı Sinan nâm kimesneye bin elli akçeye bey‘ edip meblag-ı mezbûra ben zâmin [im] demişdi mezbûr Yani’den taleb elli akçesin aldım bâki bin akçe kaldı taleb ederim dedikde, mezbûr Yani’ye suâl olundukda kefâleti inkâr edip mezbûr Toma’dan beyyine taleb olundukda âciz oldu hasmının yemînini taleb eyledikde mezbûr Yani’ye yemîn teklîf olundukda yemînden nükûl edip mezbûrun kefîl idiği mukarrer olup mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâsıtı Safer sene 971. Şuhûdü’l-hâl: Süleyman b. Abdi, Cafer b. Ali ve Mustafa b. Mehmed ve Ali b. Ahmed ve Duka v. Kosta ve gayruhum