Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 169 Hüküm no: 262 Orijinal metin no: [19a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Yorgi ile kardeşi Toma’nın alacak verecek anlaşmazlığı Vech-i tahrîr-i hurûf oldur ki Karye-i Kadı’dan Yani v. Yorgi meclis-i şer‘de karındaşı Toma muvâcehesinde da‘vâ kılıp dedi ki, benden kefâletin taleb eylediği bostan akçesinden kefîl olduğum Hacı Sinan’ın, Şîrmerd nâm gulâmından üç yüz akçesin aldı bostan bahâsından dedikde, mezbûr Toma’ya suâl olundukda inkâr edip karye-i mezbûreden Cafer b. Ali ve Duka v. Kosta nâm kimesneler edâ-i şehâdet edip dediler ki mezbûr Toma mezbûr Sinan’ın gulâmı Şîrmerd’den üç yüz akçe aldı bostan bahâsından dedikleri şehâdetleri ba‘de’t-tezkiye hayyiz-i kabûlde vâkı‘ olup gıbbe’t-taleb kayd-ı sicil olundu. Tahrîren fî evâsıtı Saferi’l-hayr sene 971. Şuhûdü’l-hâl: Süleyman b. Abdi ve Mustafa b. Mehmed ve Ali b. Ahmed ve gayruhum