Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 171 Hüküm no: 270 Orijinal metin no: [19b-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ebûbekir b. Elhac Ömer’in, Ali Çavuş b. Durmuş’a borçlu olduğu Vech-i tahrîr-i hurûf oldur ki Mahrûse-i Haleb’den Ebûbekir b. Elhâc Ömer meclis-i şer‘-i şerîfde mahrûse-i mezbûre çavuşlarından fahrü’l-emâsil Ali Çavuş b. Durmuş muvâcehesinde bi-tav‘ihî ikrâr-ı sahîh-i şer‘î ve i‘tirâf-ı sarîh-i mer‘î kılıp dedi ki, müşârunileyh Ali Çavuş’un zimmetimde karz-ı hasenden lâzımü’l-edâ yirmi sikke filori deynim var dedikde, mukırr-ı mezkûrun i‘tirâfını vicâhen ve şifâhen müşârunileyh Ali Çavuş el-Mütevellî tasdîk ve tahkīk edip sıhhat-ı ikrâr mukarrer olup mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâsıtı Saferi’l-hayr sene ihdâ ve seb‘îne ve tis‘a-mi’e. Şuhûdü’l-hâl: Ali b. Mehmed ve Mehmed b. Mevlânâ Ali ve Derviş b. Elhâc Sinan ve gayruhum mine’l-müslimîne’l-hâzırîn