Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 172 Hüküm no: 271 Orijinal metin no: [20a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nuh b. Çalapverdi’nin, Eksati bt. Manol’a borçlu olduğu Vech-i tahrîr-i hurûf oldur ki Karye-i İstavros’dan Eksati bt. Manol nâm zimmîye meclis-i şer‘de Mahmiye-i Üsküdar’dan Nuh b. Çalapverdi muvâcehesinde bi-tav‘ihâ ikrâr-ı sahîh-i şer‘î edip dedi ki, mezbûr Nuh Bâli’ye zevcim Somuncu Petro kefâletinden zimmetimde dokuz yüz otuz beş akçe deynim var sekiz yüz ellisi karz-ı kefâletden ve seksen beşi mu‘âmele-i şer‘iyyeden dedikde, mukırr-ı mezbûrenin i‘tirâfını vicâhen ve şifâhen mezbûr Nuh Bâli dahi tasdîk edip mâ hüve’l-vâkı‘ gıbbe’t-taleb kayd-ı sicil olundu târîh-i sicilde bir yıla te’cîl olundu. Tahrîren fî evâsıtı Saferi’l-hayr sene 971. Şuhûdü’l-hâl: Emir Halîfe b. Hasan el-İmâm ve Nebi Halîfe b. Hamza ve Mustafa b. Çebni ve Mustafa b. Mehmed ve Hüseyin b. Behram ve gayruhum